Archive for July, 2010

ඔබේ දායාදය…


අද දින නික්ම යන ආදරණීය පින්තු ගුරු පියාණනි… මේ ඔබ මට දුන් දායාදයයි…
මා වැනි දහසක් සිසු දරු දැරියන්ගේ දෑස පෑදූ මේ පිනෙන්ම ඔබට අමා මහා නිවන් සුවය අත්වන්නේය….

මාව ඝාතනය කළත් මගේ චරිතය ඝාතනය කරන්න එපා.


“මාව ඝාතනය කළත් මගේ චරිතය ඝාතනය කරන්න එපා.” රණසිංහ ප්‍රේමදාස ජනාධිපතිවරයා වරක් ප්‍රකාශ කළ මෙහි අර්ථය මට දැනුනේ ඊයේ..
සිද්ධිය ප්‍රසිද්ධ කරන්න මම අකමැති වුනත් සිද්ධිය හෙලිකළ ජීවිත සත්‍යයක් මම ඔබට කියන්නම්..

කෙනෙක්ගේ චරිතය ගැන යම් චෝදනාවක් කරනවානම් ඒගැන හොඳින් හොයා බලා බුද්ධියෙන් විමසා බලා..තර්කානුකූලනම් පමණක් එය කරන්න.. එසේ නැත්නම් එය ඒ කෙනාට දරාගැනීමට නොහැකි වූ විට ජීවිතයෙන් සමුගැන්මට පවා හොඳටම ඉඩ ඇත.
අසත්‍යය, සත්‍යය නම් මහපොළොව උඩ තිබෙන මඩ ජලය වැනිය… එය තිබෙන තාක් කල් මහපොළොව නොපෙනුනත් විව්ධ හේතු නිසා ඉතා ඉක්මනින් එය වාශ්ප වනු ඇත. ඉතිරිවන්නේ මහපොළොවයි.
එලෙසම අසත්‍යයේ පැවැත්ම නැති කිරීමට හේතුවන කාරණා ඕනෑ තරම් තිබිය හැක.. නමුත් සත්‍යය වනාහී සදාකාලිකව නොනැසෙන දෙයකි.
අනිච්චාවත සංඛාරා කියා කීවත් සත්‍යය එසේ නැසෙන සුළු නොවන බව මාගේ විස්වාසයයි..

ප්‍රශ්ණය එය නොවේ.. සත්‍යය කවදාමුත් හෙළිවන බව සැබෑය. නමුත් එය හෙළිවීමට පෙර අසත්‍යය විසින් ජීවිත කීයක්නම් බිළිගන්නට ඉඩ තිබේද ?

අපි නිකරුනේ මිනීමරුවන් වෙන්නට උත්සාහ කළ යුතුද ?

පින්තු ගුරුපියාණන්ගේ අවසන් කටයුතු

මම ඊයේ දිනයේ, අභාවප්‍රාප්ත කුමුදු ලාල් පින්තු ගුරුපියාණන්ගේ කොලොන්නාව නිවසට ගියෙමි.
දැනගන්නට ලැබුණු ආකාරයට බදාදා, එනම් හෙට දිනයේ එතුමාගේ අවසන් කටයුතු කිරීමට කටයුතු සූදානම් කර තිබේ.
මේ වනවිටත් අන්තර්ජාලයේ ස්ථාන කීපයකම සොයාගන්නට හැකි සිතියම ඇසුරෙන් ඉතාම පහසුවෙන් එතුමාගේ නිවස වෙත යාමට හැකි බව කිව යුතුමය.
බේස්ලයින් පාරෙන් කොලොන්නාව දෙසට මාර්ග දෙකක් ඇති නමුත් අධි ආරක්ෂිත කළාපයක් නිසා තනිඅතට පමණක් දිවෙන මාර්ග දෙකකින්(ONE WAY) කොලොන්නාව මාර්ගයට ඇතුළුවීම සහ පිටවීමට සිදුවේ. ඒ පිළිබඳ සැලකිලිමත් වුවහොත් ඉතාමත් පහසු වනු ඇත.

මූණුපොතේ පළවූ තවත් මාර්ග විස්තරයක් පහත දැක්වේ.
දෙමටගොඩ හන්දියෙන් 152 බස් එකේ නැගලා (බොරැල්ල පැත්තට කොළොන්නාව පාරේ(දෙමටගොඩ විද්ය්‍යාලංකාර පිරිවෙන ලගින් ඇතුලට තියෙන පාර ) මී තොට මුල්ල හන්දියෙන් බහින්න
(බේස් ලයින් එකේ ඉදන් හෝල්ට් 3යි ).එතන බෝ ගහක් එක්ක පන්සලක් තියෙනවා.පාරේ අනිත් පැත්තෙ පෙට්ට්‍රොලියම් එක ඇති.එතන තියෙන ඕනෙම ත්‍රී වීල් එකක ඩ්‍රයිවර් කෙනෙක් ගෙන් අහන්න පින්තු සර් ගේ ගෙදරට පාර.නැත්නම් ජේ.බී.ගාමන්ට් එක ලග කිව්වාමත් දන්නවා.

අභාවප්‍රාප්ත කුමුදු පින්තු ගුරුපියාණන්ගේ අවමන්ගල්‍ය උත්සවය

අභාවප්‍රාප්ත කුමුදු පින්තු ගුරුපියාණන්ගේ දේහය, දැනට ආරන්චි ලැබී ඇති ආකාරයට එතුමාගේ කොලොන්නාව නිවසේ තැන්පත් කර ඇත.

අවසන් ගෞරව දැක්වීමට බලාපොරොත්තුවන්නන්ගේ පහසුව තකා එතුමා සේවය කළ ඕපන් ආර්ක් ආයතනය සිතියමක් ලබා දී තිබේ… මේ එයයි

සිංහල බ්ලොග්කරුවනේ..තම තම නැණපමණින් දුක්වනු ….

This slideshow requires JavaScript.

තම තම නැණපමණින් බ්ලොගය ලියන මාගේ ගුරුපියාණන් අද අප හැර ගිය බව දැනගන්නට ලැබුණි..
සැමදා ආදරණීය ගුරු පියෙකු වූ එතුමා ගැන එතුමාගේ අවසාන කාලයේ සිසුවෙක් ලෙස සටහනක් පසුව ලිවීමට අදහස් කරමි…මාව බ්ලොග් ලිවීමට යොමු කිරීමේ සිට මාගේ දිවිය එළිය කළ ඔබට කෙසේනම් කළගුණ සලකම්ද?

අපේ ආදරණීය කුමුදු පින්තු ගුරුපියාණෙනි.. ඔබට බුදුසරණයි.. ඔබ හැමදා පැතූ අමා මහා නිවනින් සැනසෙන්නට ඔබට වාසනාව ලැබේවා!!!!!!!!!!!!.

චැට් සෙට් 2

හුදෙක් විනෝදය පිණිසම පමණි.. අතිශයින්ම වැඩිහිටියන්ට සහ වැඩිහිට්යන්ට පමණයි කියා තිබෙන ඒවා බලන්නට කැමති වැඩිහිටියන් නොවන ඕනෑම නොසන්ඩාලයෙකුට පමණි.

කතුවරයා 1: මාව මරන්නද යකෝ හදන්නේ
කතුවරයා 2: මම ගව ඝාතන නොකරමි.
කතුවරයා 1: එහෙනම් හොඳයි… උඹ සියදිවි හානිකරගන්න එකක් නෑ කවදාවත්
කතුවරයා 2: ගෑණු අප දෙදෙනාව හූරන් කෑහ. උන්ට හෙණ ගහපන් ගනන් බලාපන්. ( හිනා හිනා )
කතුවරයා 2: මොන මඟුල උනත් සිය දිවි හානි කරගන්නේ නම් නෑ.මම ගොනෙක් උනාට එච්චරම ගොනෙක් නෙවෙයි.
කතුවරයා 1: මඟුල උනා කියන්නේ දෙවරක් තෙවරක් නොව සියවරක් සියදිවි හානි කරගත්ත වැනිය කියා
දැනටම මා අවබෝධ කරගෙන සිටිමි
කතුවරයා 2: අනේ අපොයි යැ. කුමක් කරම්ද ? Bamba ketu hati thama ithin.
කතුවරයා 2: බඹා කෙටූ හැටියට ලූ බබා වැනෙන්නේ.
කතුවරයා 1: මොනාවත් කල යුතු නැත.. උඹට බේරිලා ඉන්නට උඹේ හිත වත්, ස්වභාව ධර්මයාවත්, උඹේ
දෙමාපියන්වත් වැඩිකල් ඉඩ නොදෙනු ඇත. කොහේ හෝ යන අටමගලක් උඹේ කරේ ගසනු ඇත.. කරනට
දෙයක් නැත ඒ අපි ලබා උපන් ආකාරයයි
කතුවරයා 2: මම කඩේට ගොස් අධිරාජයවාදී කලු කඩකාරයා පෝසත් කිරීමට වැඩි මිලට ග්‍රැමොක්සෝන් ගෙන
උඹටද භාගයක් දී ඉතිරි ටික තනිවම බොමි. ( අර කෙල්ලටද භාගයක් දෙන්නට වටී)
කතුවරයා 1: ග්‍රැමක්සෝන් ගන්නා සල්ලි වලින් සූදු කෙලියානම් අඩු ගනනේ පරාද වෙන්නවත් ඉඩ තිබේ… ඒවා
බීලා මැරෙනවාට වඩා මැරෙන එක සැපය
කතුවරයා 1: කෙල්ලට 1/2ක් දුන් කල්හී අපි දෙදෙනාට ඉතිරි වන්නේ 1/4 ක් පමණි.. ඔය ජුන්ඩක් බී බඩේ රුදාව
හදාගෙන කොත්තු කෑමට ඇති එකම ලයිසන් එක කැන්සොල් කොරගන්ට මම ගොනෙක් නොවෙමි.
කතුවරයා 2: දැන්නම් අප දෙදෙනා චැට් කොරන්නේ චන්ද්‍ර අනගිරත්න මහතාගෙ භාශාවෙනි. උන්නැහේ ජීවත්ව හිටියා නම් අපි කපෝතිය නැත නැත අප කපෝතිය
කතුවරයා 1: උන්දෑ ජීවත්ව සිටියානම් අප තිදෙනාම කපෝතිය… .. අපිද පොර ගිය
මගෙහිම ගියානම් මෙලහකටත් ලෝක පූජිත. අන්ත කිජීත පොරවල් වන්නට තිබුණා කියා පාරේ යන පිස්සෙක්
කියූ කතාවක් මට අමතක විය.
කතුවරයා 2: අප තිදෙනාට අමතරව XXX කියා තවත් ඔරිජිනල් පිස්සෙක් ද වේ.
කතුවරයා 1: ඌටනම් පිස්සු ඩබල් යැ… අනික ඌට ඇත්තේ වෙනම පිස්සුවකි
කතුවරයා 2: කසාද නොබැඳපු එවුන් දකින විට මට ඇතිවන ඉරිසියාවක මහත ( බැඳපු එකෙක් )
කතුවරයා 2: උගේ පිස්සුව හොඳ කල හැක්කේ ගොඩ වෙදෙක්ට යැ. නැත්නම් ලෝක වෙදෙක්ට යැ.
කතුවරයා 1: කසාදය හෝ දැඩි ප්‍රේමය පොදු වැසිලිකියක් වැනිය යැයි මා වරක් උඹ හා සමඟ කියා තිබේ.. එලියේ
ඉන්නා එවුන් ඇතුලට යාමට දහදුක් විඳියි…එලෙසම ඇතුලේ ඉන්නා එවුන් හිතන්නේ එලියට එන්නේ කෙලෙස,
කොයි මොහොතේද කියාය
කතුවරයා 2: ලෝකයම පිස්සන් කොටුවකි. අපි එහි පිස්සෝ වෙමු. :- කතුවරයා 2 ගේ නම (නිසි බලධරයා කපා
හරින ලදී)
කතුවරයා 1: පිස්සන් කොටුවට පිස්සන් බිහි කරන්නේද, පිස්සන් බවට පත් කරන්නේද, පිස්සු හොඳ කරන්නේද , පිස්සන්ව නැත්තටම නැති කරන්නේද එකම එක සත්වයෙකි.. ඕ තොමෝ ගැහැණිය නම් අපූරු සත්වයා මිස අන්
කවරෙක් විය හැකිද ?? :-කතුවරයා 1 ගේ නම (නිසි බලධරයා කපා හරින ලදී)
කතුවරයා 2: ඔබත් සමඟ චැට් කිරීමෙන් මගේ හිතේ සියලු දොම්නස් පහවූ සේක.
හෙට (*පාඨමාලාවක නමක්.. *) කිරීමට වුවද මගෙ හිත දැන් පෙර පරිදිම සවිමත්යැ. හරියට මහවැලි කොන්ක්‍රීට්
දැම්මා වැනියැ.ප්‍රීතියෙන් ඉපිලේයැ. හඃ හඃ හඃ
කතුවරයා 1: අම්මට සිරි.. මහවැලිය හොර වියාපාරයක් බැවින් හි කොන්ක්‍රීට් එතරම් සුවර් නැත…
කතුවරයා 2: මේ චැට් එක ඉතා වටිනා බැවින් මම මෙය ඔබ කරනා ලෙසම සේව් කර තබාගමි.
කතුවරයා 1:නිදි දෙව්දුව මෙතෙක් කල් සඟවා සිටි ඇගේ ගැහැණු ලක්ෂණ එලි දක්වමින් මාහට වද දෙයි… මා හට දස වද දෙයි…. තවත් නම් ගෑණුන්ගේ කරදර ඉවසන්නට නොහී මා නිදි දෙව්දුව වැළැඳ ගන්නේ කොතරම් බැන්නත් ගෑණු නැති ලොව අපටැ ද පැවැත්මක් නොමැති නිසාවෙනි.
කතුවරයා 2: එය නම් සත්‍යක් මයැ. ගෑණුන්ට මෙච්චර වෙලාවක් බැන ( නිකම් නොවේ සල්ලි වියඩම් කොට )
උන්ටම නහින අපට ( අපි දෙදෙනාට )කාණු දෙකේ තුවක්කුවක් කුලියට හෝ ගෙනවිත් වෙඩි තැබිය යුතුය.
කතුවරයා 1: සැබැවින්ම කාණුදෙකේ තුවක්කුවට දැමිය යුත්තේ සීනිය…අපි දෙදෙනා මිය යා යුත්තේ කූඹි
කෑමෙන්ය
කතුවරයා 2: එසේ නම් දැන් අප දෙදෙනා දොයියමු. ( වෙනවෙනම )
කතුවරයා 1: පැහැදිලිවම.. එසේ නොමැති වුවහොත් අර නිතර දෑත් පිරිමදින එක්කෙනාත් අපිත් අතර වෙනසක්
නැති වෙන අතරෙම එය ඉතාමත් පිළිකුල් සහගත වීම සහතිකය.
කතුවරයා 2: හෙට හමුවෙමුයැ. එතෙක් ආයුබෝවන් ………………..
කතුවරයා 1: ආයුබෝවන් … සුබ රැයක්.. සිහිනෙන් මොනා පෙනුනත් ගැහැනුන් නොපෙනේවා
sweet dreams
කතුවරයා 2:Night mears !!!!!!!!!!!!!!!!!!!!!11

මගේ සඳින් ආදරේ ඉස්සුවෙමි

මගේ සඳින් තවත් අදහසක් උස්සන්නට මට සිදුවිය.
මේ සබැඳිය ඔස්සේ මෙහි මූල බීජය නරඹන්නට ආරාධනා කරමි.
ආදරය සම්බන්ධව මගේ සඳින් ගතහැකි අදහස් බොහෝය.. අනුන්ගේ ආකෘති වලට පෙම් කළ යුතු නැත.
නමුත් හොඳ දේ කොතනින් නමුත් ගත යුතුමය.

මෙය මගේ සඳ බ්ලොගයේ තිබුණේ මෙලෙසය..
++++++++++++++++++++++++++++++++++
දැනට ගම්මු පෙම්වතුන්ගැන අද දවසෙම එයාලට උපදෙස් දීල මට ඇති වෙලා ඇයි එයාල ගොඩක් දුක්විදින්නෙ පෙම් කරන්න පටන් ගත්ත මුල් දවසෙ ඉදලම එයාලට ඔනි අනිත් කෙනාව තමන්ගෙ කරගන්න හැද දේම තමන්ට ඕනි විදිහට තියෙන්න ඕනි එහෙම කවදාවත් සිද්ද වෙන්නෑ අනිකාගෙ සතුට සහ ආශාවන් වෙනුවෙන් කැපකිරීම් කරන්න පුරුදු වෙන්න ඔනි සමහර පිරිමි අය හිතනව පෙම් කරන කොට තමන්ගෙ පෙම්වතිය වෙන පිරිමි පුද්ගලයින් ඇසුරු කරන්න හොද නෑ කියල කවදාවත් එහෙම වෙන්නෑඅපි පෙම්කරන්න පටන් ගත් පලියට අපි මැරිල ඉපදෙන්නැ නෙ අපි අපිමයි තව කෙනෙකුට අනුව හැඩගැහෙන්න කාලය උවමනා කරනව ඒක තේරුන් ගන්න මිනිස්සුන්ට පුලුවන් වෙන්න ඕනි

ආදරය කියන්නෙ බලෙන් ගන්න පුලුවන් දෙයක් නෙමේ අපි ආදරය කරන්න ඕනි එතකොට ආදරය අපිටම ලැබෙනව අනිත් පුද්ගලයාගෙන් පමනක් ආදරය බලාපොරොත්තු වෙලා වැඩක් නෑ කලින් අපියි ආදරය කරන්න ඕනි ලැබෙන දේ ගැන හිතන්න එපා පුලුවන් තරම් අනිකාව සතුටෙන් තියන්න උත්සහ කරන්න එතකොට දන්නැතුවම සතුට අපිව හොයාගෙන එනව මං ඒක පුද්ගලිකවම දන්න දෙයක් මං හැමෝම සතුටෙන් තියනව මාව තේරුන් ගත්ත මං ගැන දන්න අය මං දුකෙන් ඉන්න දවසට මාව ගොඩක් සතුටු කරනව ජීවිතේ පැතුම් හොය​ගෙන යන් එපා ඒවා ඉටු වෙයිඅපි කාටවත් කරදරයක් නැතුව එයාලව සතුටින් තියනව නන් ඒක තමයි ජීවිතය කියන්නෙ

අපි ආදරෙයි කියල නීති දාන්න යන්න හොද නෑ නිදහසේ තියන්න අනිත් පුද්ගලයව. යනව නන් යන්න දෙන්න.ඒත් පුලුවන් උපරිම උත්සහය යොදන්න ඕනි තියාගන්න.. බැරිම නන් යන්න දෙන්න.. බලෙන් ආදරය ඉල්ල ගන්න බෑ අඩල ඉල්ලන්ත් එපා ඒ ආදරේ උතුම් නන් ඒ ආ​දරේ බාල්දු කරන්න එපා. උතුම් ආදරය එපා නිසානෙ පිටු පාන්නෙ ඉතින් ඇයි එයාලට අපි තවත් වද දෙන්නෙ කවදාවත් තමන්ගේ අයගෙන් බලෙන් කිසිදෙයක් ඉල්ලන්න හොද නෑ අපි දන්නෙම නැතුව ඒක එයාලට වදයක් වෙනව එහෙම උනාම එයාලට තවත් අපිව එපා වෙනව අපි ඇත්තටම ආදරෙයි නන් අනිකාගෙ සතුට බලල සතුටු වෙන්න පුලුවන් හිතක් තියෙන්න ඕනි ඒකයි ආද​රය කියන්නෙ තමන් ආදරය කරනකෙනා සතුටින් නන් තව මොනවද අපිට ඕනි…

ඒක තමයි ආදරය!!.. අද ​මට ආපු කේස් 5න් (හික්ස්) 4ක්ම තියෙන්නෙ තමන්ට අයිත් කරගන්න යන නිසා ඇතිවන ගැටලු. අප්පා ඒව විසදල මට එපා වෙලා.. අනික කාට හරි ආදරෙයි නන්කෙලින්ම කියන්න සමහර කෙල්ලො, කොල්ලො අහන්නැති නිසා හිතෙන් දුක් වෙනව. නෑ කියන්න බෑ. ඒකත් මට අද ආපු කේස් එකක් තමයි ඒ කෙල්ලයි කොල්ලයි ගොඩක් යාලුවො දෙන්නම ට්‍රයි ඒත් කොල්ල අහන්නෑ කෙල්ල දුකින් ඉන්නෙ ඔය වගේ සීන් වලට මං මොනව කරන්නද අනේ!!!

තමන්ගෙ අතින් කෙල්ලගෙ හෝ කොල්ලගෙ අත තදින් මිරිකපුවම එයාලට රිදෙනව නෙ. ඒ වගේ තමා ආදරෙයි කියල අනිකාව තදින් මිරිකුවොත් එයාලට රිදෙනව. ඒක අපි තේරුන් ගන්න ඕනි.

හිතේ ඇත්තටම ආදරයක් තියනව නන් කෙලින්ම අහන්න..හරි ගියොත් පින වැරදුනොත් පව ​ඔක තමයි ජීවිතේ ආදරේ ඇත්තටම සුන්දර දෙයක්ඒක අත්විදින්න ඒ ආදරේ අසුන්දර වෙන්නෙ අදහස් තේරුම් ගන්න බැරි උනාම කසාදයක් බදින්නම ආදරය කරනව නන් ගොඩක් අදහස් ගැන සැලකිලිමත් වෙන්නඅනිකා හැදෙන්නැත්තන් තමන් හැදෙන්න ඒක තමයි ආදරේ කැප කිරීම නැතුව වහ බොන එක නෙමේ. අනිකාගේ සතුට බලල අපිටත් සතුටු වෙන්න පුලුවන් වෙන්න ඕනි..

ආදරය වෙනුවෙන් ඔනි දෙයක් කරන්න කවදාවත් ආදරේ ඉල්ලල බල කරන්න එපා.. එයාලට වද දෙන්න එපා අපි ආදරේ කරමු එතකොට අපේ ආදරේ අපි ගාවට එනව අනිකාව පුලුවන් උපරිමයෙන් සතුටෙන් තියන්න අපි නිකන්ම එතකොට සතුටින්..
++++++++++++++++++++++++++++++++++

මීට දවස් දෙකකට කලින් ඕක තේරුම් ගන්න මට නොහැකි වීමෙන් මා මහත් විපතකට මඟ කපාගත්තෙමි. ඊට දවසකට පසු මා එය තේරුම්ගත්තද ? අවාසනාවකට එදින ඇය එය තේරුම් ගෙන නොතිබිණි.. වාසනාවකට අද වෙද්දී අපි දෙදෙනාම දින දෙකකදී මාරුවෙන් මාරුවට හොල්මන් නැටූ බව අප දෙදෙනාට අවබෝධ වීමෙන් අපි තවමත් අපේය..
ඉහත සඳහන් බ්ලොගයේ අදහස් ඉතා වටී… අත්දුටුයි ප්‍රත්‍යක්ෂයි..
ආදරය හිඟමන් යදින්න අවශ්‍ය නැත.. හැබැයි නිතර තමාගේ අවංක හැඟීම ප්‍රකාශ කිරීම හිඟාකෑමක් නොවේ. කූඩැල්ලා මෙට්ටයේ තැබිය නොහැකිය.. ඔබ පුදන්නේ අවංක ආදරයක් නම් ,කොන්දේසි වැට කඩුළු විරහිතව පණ දෙවැනි කොට කරන ආදරයක් නම් ඔබේ කෙනා පිට යයිදැයි බිය නොවන්න. එලෙස ගියහොත් ඒ ඔහුගේ / ඇයගේ කරුමය බව සිතන්න.මන්ද එවන් ආදරයක් ලැබීම අති දුර්ලභ දේකි. පවට පින දෙන්නට උවමනා නැත. ඔබට හා ඔබේ ආදරයට ආදරය කරන කෙනෙකුට ආදරය කරන්න..හිත හදාගන්නට අමාරුවන්නේ තවත් අයෙක් ජීවිතයට එනතුරු පමණක් බව මතක තබාගන්න.
ඔබ කෙල්ලෙක්නම් යන යකා කොරහත් බිඳගෙන යාමට ඇති ඉඩ අවුරා දමන්න.