Posts from the ‘සිතුවිලි (මැසිවිලි )’ Category

Facebook තහනම

පසුගිය දිනවල සිදුවුන යම් සිදුවීම් කීපයක් නිසා ජනප්‍රියතම සමාජ ජාල වෙබ් අඩවියක් වන facebook මෙරට තුළ තහනම් කිරීමට (වසා දැමීමට) යාම පිළිබඳව හා හෝවක් යමින් පවතී.. සැබැවින්ම එවැන්නක් සිදුවිය හැකිද, ඒ කෙසේද හා එහි ඇති වැදගත්කම කවරේද යන්න පිළිබඳව ඔබ හා බෙදා ගැන්මට මා හටද යමක් ඇත..

මීට වසර කීපයකට පෙර තිබුණු තාක්ශණය භාවිතය සලකා බලන කල්හි වෙබ් පිටු එකතුවක් හෙවත් වෙබ් සයිට් එකක් මිස වෙබ් සර්විසස් ලෙස ගැනිය හැහි දෑ එතරම් ජනප්‍රියව නොපැවතිණ.. මෙම වෙබ් පිටු ඉතා සුළුවෙන් වෙනස් වන පෙර සැකසූ ස්තිථික සංයුතියක් ඇති ඒවා වීම නිසා ඒවා වසා දැමීම පහසු වූවා සේම ඒවායේ සමාජ, ආර්ථික බලපෑම සාපෙක්ශව අවම විය.. එලෙසින් සෙක්සි එල් කේ.. ටියුබ් 8 , ගොසිප් ඊ ලංකා වැනි අඩවි මෙරටට වසා දැමුණු අතර ඒවායෙන් වැඩිමනක් යහපතක් මිස බලපෑමක් නොවිය. එවැනි එයින් සමහරක් තහනම් කිරීමට පියවර ගත් අයට ඒ සඳහා මල් තියා වැන්දත් කමක් නැත.

නමුත් ෆේස්බුක් යනු එවැන්නක් නොවේය.. එක් මාධ්‍යකින් පමණක් නොව විවිධ අයුරින් සම්බන්ධ විය හැකි තාක්ශණිකව බෙහෙවින් පැතිරුණු වෙබ් සේවා (Web Service) මෘදුකාංගයකි.. ඊටත් වැඩි ප්‍රමාණයකින් සමාජය තුළටද මෙම සේවාව පැතිරී ගැටගැසී අවසන්ය.. ෆේස්බුක් සෘජුව හා වක්‍රව භාවිතයට ගැනෙන අනෙකුත් තාක්ශණික මෙවලම්/ වෙබ් සේවා (අතිශය ප්‍රයෝජනවත්) කොතෙකුත් ඇත.. ඒ අතර ගූගල්+, ස්කයිප්, ට්විටර්, ලින්ක්ඩ් ඉන් ආදිය වේ.. මේ මෙවලම් තුළින් පවා තම ෆේස්බුක් ගිණුමට යම් යම් සම්බන්ධවීම් කිරීමට ඉඩකඩ ඇත.. දැන් පැමිණෙන දුරකතන වල උපතින්ම ෆේස්බුක් පැමිණෙන්නේද ඉහත කී ෆේස්බුක් හි සමාජ කිඳාබැස්ම නිසාවෙනි..

ෆේස්බුක් එසේ ලේසියෙන් තහනම් කළ හැක්කක් නොවන්නේ වැඩිමනක්ම එය පුද්ගල ජීවිත හා සමාජය සමඟ මේ ඇතිකරගෙන තිබෙන බැඳීම නිසාවෙනි. ඒ හැරුණුකොට එහි තාක්ශණික පැතිරීමද සුළුපටු නොවෙන නිස මෙලෝ සිහියක් නැතුව ෆේස්බුක් වල සියළු සේවා මාර්ග අපේ රට තුළට අවහිර කිරීම යනු ඒ හා බැඳුණු අනෙකුත් සේවාවන්ටද ඇතැම් බලපෑම් සිදුවන කාරණයකි.. ඒ පිළිබඳව මීට වඩා යමක් කීමට networks, internet security , information system security, systems ආදී කොටස් විශේෂයෙන් ඉගෙන ගත් අයෙකුට මට වඩා හැකියාවක් පවතී.. මා මේ අදහස් පලකරන්නේ දත්ත හා ඒවායේ සබඳතා සලකා බැලීමෙනි..

කෙසේ වෙතත් එවැනි අමර කට්ටක් කා ෆේස්බුක් අවහිර කිරීමද ගඟට ඉණි කැපීමකි.. පය බරවායට පිටිකර බෙහෙත් බැඳීමකි.. මෙහිදී මා පය බරවාය ලෙස කෝණ දෙකක් දක්වමි.. එකක්නම් මේ මතුපිටින් පෙනෙන දරුවන් විපතට පත් වීමය.. ඊටත් වඩා ඇතැම් අයට හානිකර වන්නේ මේ හරහා බිහිවන විකල්ප මාධ්‍යයන්ය.. විරුද්ධ අදහස් සමාජගත වීමය.. තමන්ට පෙන්වන්නට උවමනා දේට වඩා සත්‍ය හෝ විකෘති කරන ලද සත්‍ය සමාජයට ගැලීමය. ඔවුන්ට උවමනා ප්‍රමාණයට වඩා ගැඹුරින් ජනතාව සාකච්ඡා කිරීමය.. නමුත් ෆේස්බුක් අවහිර කිරීමෙන් මේවා වෙනස් වෙන්නේ නැත.. අද ගූගල් + ෆේස්බුක් මට්ටමටම ඇවිත් ඇත.. ස්කයිප් වෙනම පාරක ඊට වඩා ප්‍රබල මාධ්‍යයක් වී ඇත.. වයිබර්, ලින්ක්ඩ් ඉන්, ට්විටර් ආදී නොයෙකුත් ආදේශක පවතිද්දී ෆේස්බුක් පමණක් තහනම් කිරීමට යන්නේ ඇයිදැයි නොවැටහේ..

ඇතැම් විට මේ විකල්ප පිළිබඳව නොදැනුවත්ද? මේ සියල්ල තහනම් කරන්නේනම් ඉන් පසු දුරකතනද වසා දමන්නට වෙන්නේ නොවේද.. පසුගිය කාලයේ මිස්කෝල් ඔස්සේ දිවි නසාගත් අයද මීට වැඩියෙන් වාර්ථා විය.. දුරකථන ඇමතුම් ඔස්සේ සියල්ල නැතිකරගන්නා කෙල්ලන් අතරට මෙය කියන වෙලාවේ පවා කීදෙනෙක් එකතුවෙනවාද යන්න කිව නොහැකිය.. එක දුරකථන ඇමතුමෙන් දෙකෙන් හෝටල් කාමරයක තනිවෙන්න අද කෙල්ලන් පසුබට නොවේ..
ශ්‍රී ලංකාවේ ප්‍රධාන දුරකතන සේවා සමාගමක සේවය කරන නන්නාදුනන තරුණියෙකු හා දුරකතන සංවාදයකට මුලපුරා එදිනම “මාව බලන්න එනවද ?” යන්න කියවා ගන්නා පුද්ගලයෙක් මා පුද්ගලිකවම දැක ඇත්තෙමි.. එසේ බලන්න එනවා යන්නෙහි අරුත මෙය කියවන ඔබට තේරෙනවා ඇතැයි සිතමි.. ඉන්පසු සිදුවූ දේද ඔබ අවබෝධ කරගනු ඇතැයි විස්වාස කරමි.

ඉහත මා කී පය බරවායවල් දෙකටම ෆේස්බුක් තහනම් කිරීමෙන් පිළියමක් ලැබෙන්නේ නැත.. ඉන්පසු සිදුවන්නේ ගූගල්ද වසා දැමීමටය.. බොහෝ වෙබ් පිටුවල ඇතැම් කොටස් ගූගල් භාවිතා කරයි.. බොහෝ නූතන වෙබ් අඩවි වල භාවිතා වන ජේකුවරි ආදිය කෙලින්ම ගූගල් සර්වරයේ සිට ක්‍රියාත්මක වන ලෙස සකසා ඇත.. මෙසේ කිරීමට බොහෝ තාක්ශණික වාසි හේතු වේ.. රාජකාරී සඳගා ගූගල් භාවිතා වේ.. සිතියම්, දිනපොත් ආදී නොයෙකුත් වෙබ් සේවා ගණනාවක් පිරිනමන ගූගල් මත අප රටේ බොහෝ ආයතන යැපෙන නිසා ගූගල්ද වසා දැමුණොත් එය රටේ අර්ථ ක්‍රියාවලියට පවා බලපාන බරපතල කරුණක් වනු ඇත ෆේස්බුක්ද එසේමය.

එබැවින් ෆේස්බුක් වසා දැමීම පහසු නොවන, ගැටළු මතුකරන හා මෙලෝ තේරුමක් නොමැති දෙයක් වන නිසා බුද්ධිමත් රජයක් එය වසා දමන්නට පියවර නොගනු ඇති බව මම සිතමි..

ළමුන් පිළිබඳ කාරණාවේ වගකීම දෙමාපියන් ගත යුතුය.. ෆේස්බුක් යාමට නොදී සිටීම නොව එහි හමුවන විශේෂ මිතුරන්ගේ අවශ්‍යතාවය දරුවන්ට නැතිකිරීම, දරුවා තුළ ගොඩනඟන විස්වාසය, ආදරය සහ දරුවා පිළිබඳව විමසීමෙන් ඉවසීමෙන් සිටීම ප්‍රමානවත් වන්නේ නොවේද ?

අනෙක් කාරණාවටනම් ඉතින් කරන්න දෙයක් නැත.. තමන් හොඳ කරානම් මිනිස්සු කතාකරන දේ ගැන බයවෙන්න දෙයක් නැත්තේය..

ප.ලි මෙය ලියා අවසන් වනවාත් සමඟම මා ඉහත කී වර්ගයේ කෙනෙක් මේ කාරණාව ගැන විග්‍රහ කර තිබුණා මේ සබැඳිය ඒ වෙතයි

ප්‍රොක්සි සර්වර්ස් සම්බන්දව මා කිසිවක් ප්‍රකාශ නොකලෙමි.. ඒ ඒවා පිළිබඳ මාගේ එතරම් ප්‍රසාදයක් නොමැති නිසාය.. නැතිනම් හයිඩ්මයි ඈස් හෝ ඊබඩී වැනි දෑද විකල්ප ලෙස භාවිතා කළ හැකි නිසා ෆේස්බුක් තහනම පලක් ඇත්තේම නැත 😀

Advertisements

අපි රැවටෙන්නේ නෑ… අපි මෝඩ නෑ….. :D සර්වජන මෙව්වා එක

පලාබබා සටන කිට්ටු කිට්ටුලු.. අපෙ අප්පේ අපේ පැත්තේ වෙන දේවල්… දේසපාලකයො ටික මැතිවරණයක් එනකම් බොහොම පරිස්සමින් තියාගෙන හිටිය කැඩිච්ච පාරවල් හදනවා.. තව කට්ටියක් නොදී නොදී පරීස්සමින් ඉතුරුකරගෙන හිටපු සහනාධාර බෙදනවා..

ජනාධිපතිවරණයට ඔන්න මෙන්න කියලා තියෙද්දී අපේ පැත්තේ ප්‍රජා ශාලාවකට මුල්ගල තියනවා.. ඔන්න ජනාධිපතිවරණය දවසේ උදේත් යසට ඒකේ වැඩ ගියා.. හැබැයි පහුවෙනිදා ඉඳන් අද දක්වාම එක ගලක් තව ඒකෙ බැඳලා නෑ..

මම ඒ උදාහරණේ ගත්තේ අපේ රටේ මිනිස්සු චන්දේ දෙන හැටි ගැන කියන්න ආරම්භයක් විදිහට…

ඇත්තටම අපි මේතරම් මෝඩ ජාතියක්ද.. හැමදාම මේ හැටි රැවටෙන්න.. හොඳම වැඩේ රවටන බව දැන දැනම රැවටීම..
“ඕක ඉතින් චන්ද ගුංඩුවක් තමා, ඒත් ඉතින් ඒ මිනිහ එහෙම හරි කරනවනේ… මම මේපාර මැතිතුමාට”

ඇත්තටම අපි මෝඩ නෑ.. හැබැයි අන්තිම මොහොතේ අපි මොකක්දෝ ක්ෂණික ඔලමොට්ටල කමකට තැන දෙනවා..

මේ හැමදේටම හේතුව මම දකින හැටියට සර්වජන ඡන්ද බලයයි.. අඩු ගණනේ උසස්පෙළ සමත් අයට පමණක් ඡන්ද බලය සීමා කළයුතුයි කියන දේ මට හිතෙනවා.. ඇත්ත කුඹුරේ ජේමිස් අයියට, කම්මලේ හරමානිස්ටත් තමන්ගේ නායකයා තීරණය කරන්න අයිතිය තියෙනවානම් හොඳයි.. හැම ජන කොටසකම නියෝජනයක් තියෙන්න ඕන කියලා පරණ තියරියක් තියෙනවා.. ඒත් එහි කිසිදු තර්කයක් මට පෙනෙන්නේ නෑ.. ඒත් මේ සංකල්පයට මුවා වෙලා යමක් කමක් නොතේරෙන බහුතර ජනතාව ගොනාට අන්දලා දිනන ගොබ්බ තකතීරු දේශපාලකයො නිසා තමයි අපේ රට මේ තැනට වැටිල ඉන්නේ..

අනික් රටවල් නවීන තාක්ශණය ගොඩනඟනකොට එහි අතුරුපල භුක්ති විඳින නිවට ජාතියක් වෙලා අපි.. අපි මොනාද කරන නව නිර්මාණ.. වලං හෝදන යන්ත්‍ර.. පොල් ලෙලි ගහන යන්ත්‍ර.. මතක තියාගන්න ඒවට අපිට පේටන්ට් ලැබෙන්නේ අනික් ජාතීන්ට ඒවා නොහැකි නිසා නෙවේ.. ඔවුන් එවැනි ප්‍රාථමික දේවල් නව සොයාගැනීම් ලෙස නොසලකන නිසයි..

මම මේ අපේ හැකියාවන් අපහාසයට ලක් කරනවා නොවේ.. අපි හැදිය යුතුයි.. අපි ඉන්න තැන කොතනද කියල පැහැදිලිවෙන උදාහරණයක් ගන්නම්..
අපි යමක් මිලදී ගනිද්දී බලනවා ඒක ඔරිජිනල්ද ලෝකල්ද කියලා.. බලනවද නැද්ද?.. බලනවා.. මොකක්ද ලෝකල් කියන්නේ? .. දේශීය කියන එක නේ?.. එහෙනම් මේ මොකක්ද බලන්නේ?.. මේක මේ හොඳ නිශ්පාදනයක්ද නැත්නම් අපේ රටේ හදපු එකක්ද කියලා.. ඒ කියන්නේ අපි හදන්නේ බාල දේවල් නේ?
මේ මම කියන දෙයක් නෙවෙ .. දශක ගණනක් තිස්සේ අපි අපිම කියන දේවල්.. එදා ලෝකෙන් උතුම් රට ලංකාවයි කියලා කිව්වට ඇත්තටම එදා අපි ගාව තිබ්බේ උතුම් මිනිස් ගුණාංග තියෙන මිනිස්සු.. ඒත් දැන් ඒකත් නෑ.. දැන් කොහෙද උතුම්?..

අපි හැමදාම කළේ අපි තමා උතුම්ම කියලා කකුල් උඩ දමාගෙන බලන් හිටීම.. එක එක මෝස්තරේ ආණ්ඩු පත්කරපු එක.. වඩාත් නිවැරදිව කියනවානම් එක එක ගුංඩු දැන දැන ගිලලා ගිලපුවා රීගන්න බැරුව තැටඹීම..

හැමදේම ඉබේ සිද්ධ වෙන්න දීලා බලන් ඉන්නවා.. ඒක වැරදියි කියන එකාව කන්න හදනවා.. ඕං උතුම් ජාතිය..

මේ හැමදේම මේරටේ දේශපාලන ප්‍රතිපත්තියේ වැරදි.. සියළු ව්‍යාපෘති තම පාලන කාලයට විතරයි.. රටක් හැටියට අරමුණක් නෑ.. තිබ්බත් එය ගැලපෙන්නේ නෑ.. ගලපගන්න දේශපාලකයින්ට බුද්ධියක්, දැනුමක් නෑ.. දැනුම තියන අය දිනන්නේ නෑ.. දිනුවත් ජීවත් වෙන්නේ නෑ.. ජීවත් උනත් ඒ දැනුම තම යහපතට බඩට මිස රට වෙනුවෙන් යොදවන්නේ නෑ..

තෙවැනි පක්ශය අළුත් ගමනක් යන්න හදනවා.. හොඳ කරුණු ගෙන එනවා.. ඒත් ඔවුන් දිනන්නේ නෑ.. ඇයි.. ඔවුන්ගේ කිල්ලෝටයෙත් හුණු තියෙනවා.. ඩිංගක් නෙවේ ගොඩක්.. ඔවුන්ට පාලනය දෙන්න මිනිස්සු අකමැතියි/බයයි.. ඔවුන්ගේ නායකයාට හොඳ ප්‍රතිපත්ති තියෙනවා.. යන සිස්ටම් එකට ගහන්න හොඳ කරුණු තියෙනවා.. නමුත් ඔවුන් දිනන්නේ නෑ අර අතීතය නිසා..

මේ රට හැදීමටනම් කවදා හෝ මහා යුග පුරුශයෙක් පැමිණිය යුතුයි.. ඔහු මුල් කාලයේ ජනතාව රැවැටිය යුතුයි.. පොඩි තැන සිට ඉදිරියට ආ යුතුයි.. නොමැරී ශේප් එකේ ඉහලට යා යුතුයි.. හසල දැනුමක් එකතු කරගත යුතුයි. අවසානයේ මේ රටේ අවසන් ඒකාධිපති පාලකයා විය යුතුයි.. සැබෑ ජනතා ප්‍රේමයෙන් ඒකාධිපති කම කල යුතුයි.. බුද්ධිමත් උගතුන්ට පමණක් රට කරවන තැනට පත්වෙන්න/පත් කරවන්න හැකි ක්‍රමයක් හැදිය යුතුයි. විශය පථය අනුව පමණක් ඇමතිධූර ඇතිකළ යුතුයි සහ ඒ ඒ ක්ශේත්‍රයේ ඉහලම සුදුස්සා පමණක් එයට පත් කළ යුතුයි. රට කරවන තැනට පත්වීම වරප්‍රසාදයක් වීම වැලකිය යුතුයි.. එවිට සැබෑ ජනතා සේවකයින් ඒ සඳහා පත් වේවි. මේ හැම දෙයක්ම සමඟ..පක්ශ මාරුවට ඇති ඉඩ ඇහිරිය යුතුයි.. පවත්නා ක්‍රමය.. නීති වෙනස් කිරීමට නම් ඒ බව පැහැදිළිව පෙන්වා..කරුණු දක්වා ඡන්ද දායකයින්ගේ කැමැත්තද ඇතිව සිදුවිය යුතුය..

කිසිදා ඉටුවේයැයි සිතිය නොහැකි මේ හීනයත් සමඟ මමද ඔබ මෙන් මෙවරත් ඡන්ද ගුංඩුවකටම රැවටෙමි

මගේ ජංගම දුක..

හ්ම්ම්…. මතක ඇතිනේ මගේ ගාව ඉන්න දුරකතන රාජයා ගැන ලිව්වා… මේ බලන්නකෝ මතක නැතිනම්..
ඒ ලෙවල් කරන කාලේ ඉතින් යාළුවෝ ෆෝන් ගෙනාවම හරි ආසයි.. අනේ මටත් එකක්… අනික් අය තමන්ගෙ පුද්ගලික නම්බර් එක දෙද්දි මට උනේ එක්කො ගෙදර අංකේ හරි තාත්තාගේ අංකේ හරි දෙන්න. ඒත් ඉතින් කෙල්ලෙක්ට ඕවා දෙන්න ඇහැකිය.

ඉතින් ඔන්න කාලයක් බර බර දාල ඒ ලෙවල් ඉවරවෙන්න ඔන්න මෙන්න තියලා,මම දැන් ලොකු ලමයෙක් හින්දා ෆෝන් එකකට අවසර ලැබුණා. කවුදෝ අලුකුත්තේරුවෙක් අපේ අම්මට කියපි, ඔය වැඩකෑලි තියෙන එව්ව දුන්නම ලමයි නරක් වෙනව කියල.. අනේ එතකොට මම ළමයෙකුත් නෙවෙයි.. 19යි… අනික ඒ වෙද්දි මම හොඳටම නරක්වෙලා ඉවරයි… ඉතින් ඔන්න පාස් උනේ 11000 යි කාලේ පෝන් හෙන ගහන ගනන් නේ… ඉතින් සෙකන්ඩ් හෑන්ඩ් මාකට් එකට ඔලුව දැම්මා.

මේ තියෙන්නේ එයාගේ කොම්පැනි පෙනුම.. මෙයාලා හැමෝම එක වගේ නේ නේද?

මාස දෙක තුනක් වෙන කෙනෙක් ලඟ හිටිය මෙයා මගේ ගාවට ආවා… එදා ඉඳන් මගේ ගාව දුකේදි සැපේදි මගේ අයව මට ලං කලේ මෙයා.

පොඩි පහේ අසනීප ටිකකුත් තියෙනවා. මේකට වෙන්න තියන සංගෙඩි හැම එකක්ම උනා.. මම දුරකතන කුළුණු වල වැඩකළ බව දන්නවානේ. එයින් එකක නගිද්දි මීටර් 6-7ක විතර උඩ ඉඳන් වැටුනා. දවසක් බයික් එකේ යද්දී වැටිලා කෑලි කෑලි ගියා, හැමදාම උදේට අම්මට තාත්තාට මම වඳිනකොට මෙයාත් අනිවාර්යයෙන් වඳිනවාම තමා.. අපේ අක්කගේ පුතා විසිකිරීම කියන ක්‍රියාකාරකම පුරුදු උනෙත් ඕකෙන්. එහෙම වැටිලා කෑලි හැලෙන මට්ටමේ තිබුණත් අදටත් මගේ අලුත් ෆෝන් එක දෙවනි කරන්න මෙයා සමත් වෙලා තියෙනවා.. ඒත් මෙයා මට වාසනාව ගෙනාවා. ඉල්ලන්න එපා පණ ගියත් විකුණන්නේ නෑ.

ඇත්තටම Sony Ericsson K750i කියන්නේ මම දන්න විදිහට ආපු හොඳම ෆෝන් එකක්. පහසුකම් අතින් ගත්තත් අදටත් අනික් එව්ව එක්ක හැප්පෙන්න මෙයාට අමරුවක් නෑ.

බූතයෝ….

ලහියා තාවකාලික පදිංචි වෙනසක් කළා… ඒ ලහියාගේ නැන්දලාගේ අළුත් ගෙදරට.. දැන් ටික දවසක ඉඳලා මෙහේ පොඩි වෙනසක් දැක්කා… මම ඉස්සෙල්ලම දැක්කේ කවුරු හරි කාමරයට යනවා වගේ… ඒත් ගිහින් බලද්දි කවුරුත් නෑ.. ඔහොම ඉඳලා මල්ලිට කිව්වා.. එයත් දවසක් ඒ වගේම දෙයක් දැකලා… කසු කුසුව මෙහෙම යන අතරේ අපේ අක්කත් සාක්කි දෙනවා… එයත් කීප පාරක්ම දැකලා තියෙනවාලු..
හිතාගන්න බෑ මේ මොකක්ද කියලා.. මේ ගැන දන්න කෙනෙක් ඉන්නවද ??

ලහියා අසනීපෙන්

මාළුවාත් නහින්නේ කට හින්දා කියලා කතාවක් තියෙන්නේ…
කට තියාගෙන ඉන්න බැරිකමට දහජරාවක් කාලා ඔන්න ලහියාට බඩුම තමා…
කන්න බෑ… බොන්න විතරයි…
මොන මඟුල උනත් මේකෙනම් රිංගන් ඉන්නව නේද ?
බොන්න කිව්වෙ තැඹිලි වගේ දේවල් හරී…..

මගේ ජංගම දු.ක

දැං කොල්ලොන්ට වගේ නෙවේ… ඒ ලෙවල් ඉවර වෙනකල් මට පෝං එකක් අරන් දෙන්න අපේ ගෙදරිං මනාප උනේ නෑ ඕං..
සෑහෙන්ට දතකාලා ඔන්න ඉල්ලගත්තා පෝං රාජයෙක්.. ඒකාලේ හැටියට හැමදේම වගේ කරන්න පුළුවන් සෝනි එරික්සන් කේ

750 අයි..


එදා ඉඳන් මගේ ළඟමයි මෙයා…
ඔන්න දවසක් බලද්දී ඉස්ක්‍රීන් එක සුදුම සුදු පාටයි..
රී ඉස්ටාට් කරලා බැලුවා.. මීහුප්…
පොඩ්ඩක් ඇදේට බැලුවා… අනේ යාන්තමට පේනවා… බොහෝම යාන්තමට…
රෙපෙයාර් කොරන්ට දෙන්නත් විස්වාස නැති නිසා ඒ විදිහට ඉස්ක්‍රීං එක බලන්න පුරුදු උනා..
මැසේජස් බලන්න යවන්න නම් කොම්පුටරේට ගහලා මයි ෆෝන් එක්ස්ප්ලෝරර් වලින් තමා…
ඔහොම පුරුදු වෙලා ඉන්න කාලෙ මේක ගත්ත තැනට දුන්න හදල දෙන්නෙයි කියලා..හදලා ඕනිම නම් මාසයක් පාවිච්චි කොරන්න

ඇති… ආයේ ලෙඩේ ආවා….

ඔන්න ෆිල්ම් එකේ කොල්ලාට තද වුනා…
දැන් හිටපු ගමන් හොඳ වෙනවා නරක් වෙනවා…
මමත් ඉතින් නරක් උනාම ඇද කොරලා බලනවා….
හොඳට තියෙද්දී පොඩ්ඩක් සන්තෝසෙන් වැඩ කරනවා….
කොටින්ම කියතොත් අස්පට් වෙලාවට පොටෝ අල්ලන්න, මූණුපොතේ චැට් කරන්න උනත් ගේමක් නෑ….

ලද දෙයින් සතුටු වෙන්නේ එහෙමයි……..

කුණුහරුප


මේ ළඟදී මම ඉස්කෝලේ දන්සලක් තිබිලා ඒකට ගියා..
දන්සල අතරේ පරණ පාප මිත්තරයො දෙන්නෙක් මුණගැහුණා…හිකිස්…
මිගා & ලකී…:
මුණගැහුණ ගමන් මෙන්න මේ වගේ දෙබසක්…
අරුන් : “ආ… කොහොමද ******* .. දැන් හොයාගන්නවත් බෑ නේද *******…”
මම : “යකෝ කුණුහරුප කියන්න එපා ******* ” හිකිස්..
අරුන්: “අනේ උඹයි මමයි දන්න ***** කුණුහරුප..”
මම : ” ඒක නෙවේ ******, අපි කොච්චර කෑගැහුවත් දන්නේ වචන 10 කටත් අඩු ප්‍රමාණයක් නේ ”
අරුන් : “***** දාලා… ඇත්ත නේන්නම්… “

***** ලකුණෙන් දක්වා ඇති දේවල් උපකල්පනය කරගැනීමෙන් මහත් ඵල අත්වේ

දැන් ගිය වැඩේ පැත්තක….
කට්ටිය ගණන් කරනව දන්න එව ඔක්කොම කියල…
නාම පද, ක්‍රියාපද වශයෙන් කිව්වොත්
නාම පද 8ක් වගේ………….
ඒවයින් හැදුන ක්‍රියාපද කීපයකුත් තියෙනවා..

දන්නවද හිනා යන වැඩේ මොකක්ද කියලා
මේක කියවපු හැම එක්කෙනාම තම තමා දන්න ඒවා මතක් කරලා 8 ට වැඩියෙන් හොයන්න උත්සාහ කළා…

මම මේක කියන්නේ වල්කම ප්‍රදර්ශණය කරන්න නෙවෙයි..
මේවාත් නාමපද සහ ක්‍රියාපද කීපයක් විතරයි නේ…
වෙනස තියෙන්නේ කට්ටිය එක්ක කියද්දි පොඩ්ඩක් විනෝදයි…
ඇත්තටම ඔය වචන පාවිච්චි වෙන්නේ මොනවා හඳුන්වන්නද කියලා අමුතුවෙන් කියන්න ඕනි නෑ නේ…
හැබැයි ඒ දේවල් හඳුන්වන තවත් වචන අපේ භාෂාවේ තියෙනවා වගේම ඒවාට නම් කවුරුත් මොකක්වත් කියන්නේ නෑ..
මට මේ වෙනස තේරෙන්නේ නෑ. හැමෝම දන්න, කාටත් තේරෙන වචන කීපයකට ඇයි මෙච්චර තහංචියක් කියලයි..
හැබැයි ඉඳලා හිටලා විනෝදවෙන්න තියෙන්නෙත් ඔය තහංචිය නිසාමද කියලාත් හිතෙනවා. අනේ මන්දා ඔයාල හිතන්නේ මොකක්ද ??