Posts from the ‘සිංහල ලිපි’ Category

මට ආගමක් නැත…

මට ආගමක් නැත…ආගම් ගැන මාගේ කියවීම අල්පය.. මා එක්තරා ධර්මයක් විස්වාස කරමි.. ඒ අනුව ජීවත් වෙමි. මා අදහන ධර්මය කාලය සමඟ විහිළුවක් බවට පත් නොවන එකකි.. මා අදහන ධර්මය කාලය ගෙවෙද්දී ලොව දියුණු වෙද්දී මැනවින් තහවුරු වන සහ විද්‍යාවේ දියුණුවට කරුණු සපයන එකකි..සක්විති රජෙකුගේ සියළු සතුන්ට සර්ව සාධාරණවූ ව්‍යවස්ථාව, හැම පැණයකටම පිළිතුරු ඇති විශ්ව කෝෂය මා අදහන ධර්මයයි..

එම ධර්මය දේශනා කරන ලද්දේ ශ්‍රේෂ්ඨ ප්‍රඥාවන්තයෙක්ය… එතුමන්ගේ ජීවිත කතාව තුළම පිළිගත නොහැකි කිසිවක් නොමැත.. එතුමන් රජ පවුලක ඔටුන්න හිමි කුමාරයාය.. ශ්‍රේෂ්ඨතම රාජ්‍ය පාලකයෙකි, ශ්‍රේෂ්ඨතම විද්‍යාඥයෙකි, ශ්‍රේෂ්ඨතම දාර්ශණිකයෙකි. උන්වහන්සේ ශ්‍රේෂ්ඨතම සැමියාය, ශ්‍රේෂ්ඨතම පුතණුවන්ය, ශ්‍රේෂ්ඨතම පියාය, උන්වහන්සේගේ බිරිඳ ශ්‍රේෂ්ඨතම බිරිඳය, මව ශ්‍රේෂ්ඨතම මවය.. උන්වහන්සේගෙ සකල පිරිවරම ආදර්ශමත් චරිත වන්නේය.

මෙවැනි ධර්මයක් අදහන්නෙකු වී ඉපැදීමට මා ඉතා වාසනාවන්ත වී ඇත්තෙමි.. ඔවු මම බුද්ධ ධර්මය අදහන්නෙමි.. ඉතා ආඩම්බරෙන් ඒ මහා උත්තමයාණන් වහන්සේ වූ ගෞතම බුදුරජාණන් වහන්සේගෙ තෙමඟුල සමරමි…

images

Advertisements

Facebook තහනම

පසුගිය දිනවල සිදුවුන යම් සිදුවීම් කීපයක් නිසා ජනප්‍රියතම සමාජ ජාල වෙබ් අඩවියක් වන facebook මෙරට තුළ තහනම් කිරීමට (වසා දැමීමට) යාම පිළිබඳව හා හෝවක් යමින් පවතී.. සැබැවින්ම එවැන්නක් සිදුවිය හැකිද, ඒ කෙසේද හා එහි ඇති වැදගත්කම කවරේද යන්න පිළිබඳව ඔබ හා බෙදා ගැන්මට මා හටද යමක් ඇත..

මීට වසර කීපයකට පෙර තිබුණු තාක්ශණය භාවිතය සලකා බලන කල්හි වෙබ් පිටු එකතුවක් හෙවත් වෙබ් සයිට් එකක් මිස වෙබ් සර්විසස් ලෙස ගැනිය හැහි දෑ එතරම් ජනප්‍රියව නොපැවතිණ.. මෙම වෙබ් පිටු ඉතා සුළුවෙන් වෙනස් වන පෙර සැකසූ ස්තිථික සංයුතියක් ඇති ඒවා වීම නිසා ඒවා වසා දැමීම පහසු වූවා සේම ඒවායේ සමාජ, ආර්ථික බලපෑම සාපෙක්ශව අවම විය.. එලෙසින් සෙක්සි එල් කේ.. ටියුබ් 8 , ගොසිප් ඊ ලංකා වැනි අඩවි මෙරටට වසා දැමුණු අතර ඒවායෙන් වැඩිමනක් යහපතක් මිස බලපෑමක් නොවිය. එවැනි එයින් සමහරක් තහනම් කිරීමට පියවර ගත් අයට ඒ සඳහා මල් තියා වැන්දත් කමක් නැත.

නමුත් ෆේස්බුක් යනු එවැන්නක් නොවේය.. එක් මාධ්‍යකින් පමණක් නොව විවිධ අයුරින් සම්බන්ධ විය හැකි තාක්ශණිකව බෙහෙවින් පැතිරුණු වෙබ් සේවා (Web Service) මෘදුකාංගයකි.. ඊටත් වැඩි ප්‍රමාණයකින් සමාජය තුළටද මෙම සේවාව පැතිරී ගැටගැසී අවසන්ය.. ෆේස්බුක් සෘජුව හා වක්‍රව භාවිතයට ගැනෙන අනෙකුත් තාක්ශණික මෙවලම්/ වෙබ් සේවා (අතිශය ප්‍රයෝජනවත්) කොතෙකුත් ඇත.. ඒ අතර ගූගල්+, ස්කයිප්, ට්විටර්, ලින්ක්ඩ් ඉන් ආදිය වේ.. මේ මෙවලම් තුළින් පවා තම ෆේස්බුක් ගිණුමට යම් යම් සම්බන්ධවීම් කිරීමට ඉඩකඩ ඇත.. දැන් පැමිණෙන දුරකතන වල උපතින්ම ෆේස්බුක් පැමිණෙන්නේද ඉහත කී ෆේස්බුක් හි සමාජ කිඳාබැස්ම නිසාවෙනි..

ෆේස්බුක් එසේ ලේසියෙන් තහනම් කළ හැක්කක් නොවන්නේ වැඩිමනක්ම එය පුද්ගල ජීවිත හා සමාජය සමඟ මේ ඇතිකරගෙන තිබෙන බැඳීම නිසාවෙනි. ඒ හැරුණුකොට එහි තාක්ශණික පැතිරීමද සුළුපටු නොවෙන නිස මෙලෝ සිහියක් නැතුව ෆේස්බුක් වල සියළු සේවා මාර්ග අපේ රට තුළට අවහිර කිරීම යනු ඒ හා බැඳුණු අනෙකුත් සේවාවන්ටද ඇතැම් බලපෑම් සිදුවන කාරණයකි.. ඒ පිළිබඳව මීට වඩා යමක් කීමට networks, internet security , information system security, systems ආදී කොටස් විශේෂයෙන් ඉගෙන ගත් අයෙකුට මට වඩා හැකියාවක් පවතී.. මා මේ අදහස් පලකරන්නේ දත්ත හා ඒවායේ සබඳතා සලකා බැලීමෙනි..

කෙසේ වෙතත් එවැනි අමර කට්ටක් කා ෆේස්බුක් අවහිර කිරීමද ගඟට ඉණි කැපීමකි.. පය බරවායට පිටිකර බෙහෙත් බැඳීමකි.. මෙහිදී මා පය බරවාය ලෙස කෝණ දෙකක් දක්වමි.. එකක්නම් මේ මතුපිටින් පෙනෙන දරුවන් විපතට පත් වීමය.. ඊටත් වඩා ඇතැම් අයට හානිකර වන්නේ මේ හරහා බිහිවන විකල්ප මාධ්‍යයන්ය.. විරුද්ධ අදහස් සමාජගත වීමය.. තමන්ට පෙන්වන්නට උවමනා දේට වඩා සත්‍ය හෝ විකෘති කරන ලද සත්‍ය සමාජයට ගැලීමය. ඔවුන්ට උවමනා ප්‍රමාණයට වඩා ගැඹුරින් ජනතාව සාකච්ඡා කිරීමය.. නමුත් ෆේස්බුක් අවහිර කිරීමෙන් මේවා වෙනස් වෙන්නේ නැත.. අද ගූගල් + ෆේස්බුක් මට්ටමටම ඇවිත් ඇත.. ස්කයිප් වෙනම පාරක ඊට වඩා ප්‍රබල මාධ්‍යයක් වී ඇත.. වයිබර්, ලින්ක්ඩ් ඉන්, ට්විටර් ආදී නොයෙකුත් ආදේශක පවතිද්දී ෆේස්බුක් පමණක් තහනම් කිරීමට යන්නේ ඇයිදැයි නොවැටහේ..

ඇතැම් විට මේ විකල්ප පිළිබඳව නොදැනුවත්ද? මේ සියල්ල තහනම් කරන්නේනම් ඉන් පසු දුරකතනද වසා දමන්නට වෙන්නේ නොවේද.. පසුගිය කාලයේ මිස්කෝල් ඔස්සේ දිවි නසාගත් අයද මීට වැඩියෙන් වාර්ථා විය.. දුරකථන ඇමතුම් ඔස්සේ සියල්ල නැතිකරගන්නා කෙල්ලන් අතරට මෙය කියන වෙලාවේ පවා කීදෙනෙක් එකතුවෙනවාද යන්න කිව නොහැකිය.. එක දුරකථන ඇමතුමෙන් දෙකෙන් හෝටල් කාමරයක තනිවෙන්න අද කෙල්ලන් පසුබට නොවේ..
ශ්‍රී ලංකාවේ ප්‍රධාන දුරකතන සේවා සමාගමක සේවය කරන නන්නාදුනන තරුණියෙකු හා දුරකතන සංවාදයකට මුලපුරා එදිනම “මාව බලන්න එනවද ?” යන්න කියවා ගන්නා පුද්ගලයෙක් මා පුද්ගලිකවම දැක ඇත්තෙමි.. එසේ බලන්න එනවා යන්නෙහි අරුත මෙය කියවන ඔබට තේරෙනවා ඇතැයි සිතමි.. ඉන්පසු සිදුවූ දේද ඔබ අවබෝධ කරගනු ඇතැයි විස්වාස කරමි.

ඉහත මා කී පය බරවායවල් දෙකටම ෆේස්බුක් තහනම් කිරීමෙන් පිළියමක් ලැබෙන්නේ නැත.. ඉන්පසු සිදුවන්නේ ගූගල්ද වසා දැමීමටය.. බොහෝ වෙබ් පිටුවල ඇතැම් කොටස් ගූගල් භාවිතා කරයි.. බොහෝ නූතන වෙබ් අඩවි වල භාවිතා වන ජේකුවරි ආදිය කෙලින්ම ගූගල් සර්වරයේ සිට ක්‍රියාත්මක වන ලෙස සකසා ඇත.. මෙසේ කිරීමට බොහෝ තාක්ශණික වාසි හේතු වේ.. රාජකාරී සඳගා ගූගල් භාවිතා වේ.. සිතියම්, දිනපොත් ආදී නොයෙකුත් වෙබ් සේවා ගණනාවක් පිරිනමන ගූගල් මත අප රටේ බොහෝ ආයතන යැපෙන නිසා ගූගල්ද වසා දැමුණොත් එය රටේ අර්ථ ක්‍රියාවලියට පවා බලපාන බරපතල කරුණක් වනු ඇත ෆේස්බුක්ද එසේමය.

එබැවින් ෆේස්බුක් වසා දැමීම පහසු නොවන, ගැටළු මතුකරන හා මෙලෝ තේරුමක් නොමැති දෙයක් වන නිසා බුද්ධිමත් රජයක් එය වසා දමන්නට පියවර නොගනු ඇති බව මම සිතමි..

ළමුන් පිළිබඳ කාරණාවේ වගකීම දෙමාපියන් ගත යුතුය.. ෆේස්බුක් යාමට නොදී සිටීම නොව එහි හමුවන විශේෂ මිතුරන්ගේ අවශ්‍යතාවය දරුවන්ට නැතිකිරීම, දරුවා තුළ ගොඩනඟන විස්වාසය, ආදරය සහ දරුවා පිළිබඳව විමසීමෙන් ඉවසීමෙන් සිටීම ප්‍රමානවත් වන්නේ නොවේද ?

අනෙක් කාරණාවටනම් ඉතින් කරන්න දෙයක් නැත.. තමන් හොඳ කරානම් මිනිස්සු කතාකරන දේ ගැන බයවෙන්න දෙයක් නැත්තේය..

ප.ලි මෙය ලියා අවසන් වනවාත් සමඟම මා ඉහත කී වර්ගයේ කෙනෙක් මේ කාරණාව ගැන විග්‍රහ කර තිබුණා මේ සබැඳිය ඒ වෙතයි

ප්‍රොක්සි සර්වර්ස් සම්බන්දව මා කිසිවක් ප්‍රකාශ නොකලෙමි.. ඒ ඒවා පිළිබඳ මාගේ එතරම් ප්‍රසාදයක් නොමැති නිසාය.. නැතිනම් හයිඩ්මයි ඈස් හෝ ඊබඩී වැනි දෑද විකල්ප ලෙස භාවිතා කළ හැකි නිසා ෆේස්බුක් තහනම පලක් ඇත්තේම නැත 😀

නිවාඩුවක් ලැබුණු වගයි… බ්ලොග් කෙරුවාවේ හෙට ගැන ටිකක්..

බොහෝම කාලෙකට පස්සේ නිවාඩුවක් ලැබුණේ බ්ලොග් එක පැත්තේ මොනා හරි කොටන්න..
දැන්නම් බ්ලොග් කලාව ටිකක් හැපනින්.. සෑහෙන අළුත් මූණු ටිකක් ඇවිත්.. ඒත් කණගාටුව සමහර පරණ මූණු එහෙමම සැඟවිලා ගිහිනුත් තියෙන එක..

කොහොම උනත් ආයේ ලියන්නේ කොයි වෙලාවෙද කියලා බල බල හිටියේ.. ඉඩක් ලැබෙන හැම වෙලාවකම බ්ලොග් කියෙව්වත් ලියන්න වෙලාවක් වෙන්කරගන්න අමාරුයි රැකියාවත් එක්ක.. මම හිතන්නේ ගොඩාක් පරණ බ්ලොග් කරුවන්ට කාරියන්ටත් උනේ ඒකයි…

ඉතින් අළුතින් ලියන අයට කියන්න තියෙන්නේ මොන වැඩ තිබ්බත් මේකට යම් වෙලාවක් වෙන් කරන්න උත්සාහ කරන්න කියලා.. මොකද ශෛලිය කඩාගත්තොත් ඒක ආයේ ගොඩනඟාගන්න හරිම අමාරු නිසා.. නිර්මාණශීලීත්වය මොටවෙන්න දෙන්න එපා.. අපේ රටට අපේ භාෂාවට ඔබේ නිර්මාණ අවශ්‍යයි…

ඇත්තටම බ්ලොග් කළාවේ හරියට නියැලෙන කෙනෙක්ට ජීවිතය පරිපූර්ණ කරගන්න උවමනා පරිණත බව ලැබෙනවා කියලයි මට හිතෙන්නේ.. ලොකු පිරිසකට ආමන්ත්‍රණය කරන්න පුළුවන් ප්‍රබල මාධ්‍යයක් විදිහට දැන් බ්ලොග් කලාව හඳුන්වන්න පුළුවන්.. ඒ නිසා ඒ හැකියාව නිතැතින්ම ඔබට ලැබේවි.
කියමනක් තියෙනවා මිනිහෙක් පරිපූර්ණ වෙන්න කළයුතු දේවල් තුනක් තියෙනවා කියලා… පොතක් ලිවීම, ගසක් සිටුවීම, පුතෙක් වැදීම…
බ්ලොග් ලිවීමත් එක්තරා පොත් ලිවීමක්.. ඊටත් තරමක් එහා ගිය දෙයක්…( මම හිතන්නේ මේකෙන් දෙකක් නම් මම කරලා තියෙනවා.. පරිපූර්ණ වෙන්න තව එකයි.. ) . මෙය පහසු කටයුත්තක් නොවෙනවා වගේම අමාරු දේකුත් නොවෙයි.. හිතේ හැඟීම් වලට ඔහේ පාවෙලා එන්න ඉඩහරින්න.. මේ දේවල් ගොඩාක් වැදගත් වෙන්නේ ලියන අයට වඩා ලියන්නේ නැතුව කියව කියව ඉන්න අයට..

පුද්ගලික ජීවිතය වේවා වෙනත් කරුණු වේවා කියවන්නාට කියවිය හැකිනම්, කියවා ජීවිතයට යමක් එකතුකරගත හැකිනම් එයයි විය යුත්ත. බ්ලොග් කියවද්දී විවිධ මාතෘකා දකින්න ලැබෙනවා.. තාක්ශණික, විනෝදයට බර, එදිනෙදා ජීවිත, ආදරය, ප්‍රේමය, බූට් එක, සෙක්ස්, වැල, රීයා කුණුහරුප, බේබදු කතා… වෙලාවකට පඩ,කක්කා,චූ සීරීස්, වෙලාවකට පුක කුණුහරුපයක්ද නැදද කියන තර්ක, වෙලාවකට 18+ 16+ සීරීස්.. පොඩිමෑන්, සෑමා , හිච්චි ඇඟිල්ල වගේ අපේ කාලයේ ඊ සයිමන් නවදත්තේ ගමලා ලියන ශෘංගාරාත්මක ලිපි, කතන්දර, දුමී අයියා,රංග අයියා, ඩොකී, මාරයියා මියුරු අක්කා හෝ බ්ලොගී අක්කා වැනි අයගේ පුද්ගලික ජීවිත වල රස කතා, නැත්නම් අරුණි ශපීරෝගේ දර්ශණයෙන් බිඳක්..අන්තිම පේළියේ අය, සීය ගණින අය, පූසෝ සෙට් එක, හැකාගේ අළුත් වැඩකෑලි, පුබුදු සිරිවංශගේ IT News, මල් කැකුළු වහේ නවතම දැනුම, තොරතුරු උල්පත්……… මේ බ්ලොග් අවකාශය ඇත්තටම ලොකු පුස්තකාලයක්.. බ්ලොග් ලියන/කියවන ඔබ ඇසුරු කරන දෑ හි වපසරිය අති විශාලයි..

එක දිනකදී ඔබ ගන්නා දැනුම කොතරම්ද..

අපි ලියමු. අපේ භාශාවෙන් කියවන්න අන්තර්ජාලයේ ඕනෑතරම් දේවල් තිබෙන බව අපි ලෝකෙට කියමු.. ජාතිය වෙනුවෙන් කරන්න තියෙන ලොකුම යුතුකම ඒකයි.

සුභ නව වසරක් වේවා !!!

පැතුම් කැලුළු විකසිත වී දිළිහේවා..
සැප සම්පත් ඔබ සැම වෙත ළං වේවා…
සැමසිත් තුළ මෙත් සිතුවිළි පැතිරේවා..
ඔබ සැමටම සුභ නව වසරක් වේවා…

සුබ නව වසරක් වේවා

Z ලකුණු හැදුවේ මෙහෙමයි

.
හැමදේටම කෑගහන්න පුරුඩුවෙලා ඉන්න අපේ අයට ලොකු ප්‍රශ්ණයක් නේ මේ Z ලකුණ හැදුවේ කොහොමද කියන එක..
මෙහෙමයි ඒක වෙන්නේ.. පැරණි නිර්දේශයේ ලකුණුත් නව නිර්දේශයේ ලකුණුත් එක්තරා ක්‍රමවේදයකට එකතු කිරීමෙන් තමා Z අගය නිර්ණය කරන්නේ.. එතකොට ඒ ලකුණු ඒකාබද්ධ කරන්නේ මෙන්න මෙහෙමයි..

ඇත්තටම බැරිද ?

මගේ මේ කෙටි ලිපියට පාදක වන්නේ මේ ලිපියයි....

“මේ සම්බන්ධව අදහස් ප්‍රකාශකළ විභාග කොමසාරිස් වරයා ප්‍රකාශකලේ “අසමසම විභාග අංකයක්” නිර්මාණය කිරීම අපහසු බවත් වෙනත් විභාග වල අංක එක සමාන වන අවස්ථා ඇති බවත් තමාගේ විභාග අංකය නිසි පරිදි ඇතුලත්කර ප්‍රතිඵල බැලීම සිසුන්ගේ වගකීමක් බවය.” උපුටාගැනීම ඉහත සබැඳියේ ලිපියෙනි…

සැබැවින්ම එසේද.. එදා සිට මෙදා දක්වා උපන් හැම දෙනාම අංක 9කින් නිරූපණය කළානම් විභාග අංකයට මෙවැන්නක් කළ නොහැකිද ?

මොකෙක්වත්ම නොවෙන මම කරන පුංචිම පුංචි යෝජනාව බලන්න…
මම මේ යෝජනා කරන ආකාරය 2999 දක්වාම… කැමතිනම් ඊටත් කල් භාවිතා කළහැකිය.

විභාග අංකය කොටස් හතරකි, අවුරුද්ද|විශය ධාරාව|පළාත|අංකය

අවුරුද්දේ මුල අගය වෙනස් වෙන්නේ තව අවුරුදු 988කට පසු නිසා ඒගැන සිතීම උවමනා නැතය යන්න මම සිතමි..

එසේනම් ඉලක්කම් තුනකින් අවුරුද්ද නිරූපණය කළ හැකිය.
දැනට පවතින විශය ධාරා 4 නිරූපණය කරන්නේ
කළා : A
වාණිජ : C
ගණිත : M
ජීවවිද්‍යා : B

පළාත් 9 ට වෙන වෙනම දක්වනවානම් වාහන වල නව අංක ක්‍රමය ආදේශකරගන්න හැකිය.. එනම්

WP, CP, EP, SP, NP, UP, NC, NW, SG. ලෙසය

අවසානයට සරල හැඳුනුම් අංකයක් ඉලක්කම් 5ක පමණ…

උදා: බස්නාහිර පළාතෙන් ගණිතයට ඉදිරිපත් වෙන සිසුවෙක්ට ඉදිරි වසරේ ලැබෙන අංකය සලකමු…

012MWP12569

අංකයේ මුළුදිග ඉලක්කම් 11ක් වුවත් විශේෂයෙන් මතක තබාගත යුතුවන්නේ අංක 5ක් පමණි.. ඉතිරි අංක එම සිසුවාගේ මිතුරන් සැමටම පාහේ පොදු වූවකි.. මෙම අංක ක්‍රමයෙන් එක පළාතක සිසුන් 99999ක් එක් විශයකින් විභාගයට ඉදිරිපත් වුවත් කිසිඳු ගැටළුවක් ඇතිනොවේ .. එම සීමාව ඉක්මවන කල්හී කළයුත්තේ අවසාන අංකය අංක 6ක් කිරීමය එවිට 999999ක් දෙනා පහසුවෙන් හැසිරවිය හැකිවන අතර පරිගණකගත කිරීමේදීද වඩා පහසුකම් සැලසෙනු ඇත.

එක පලාතක 999999 දෙනෙක් උසස්පෙළ එක් විශයකින් පමණක් ඉදිරිපත් වේනම් සාමාන්‍ය තත්ව යටතේ විභාග පැවැත්වීමට වඩා එම පළාතේ විසඳීමට දැඩි අර්බුදයක් තිබෙනු නොඅනුමානය.. 😛 .

Read more: http://www.gossip9.com/2011/12/blog-post_28.html#ixzz1hoKEP3aJ

ද සෙන්චරි,,,

හැම බ්ලොග් කරුවෙක්ම ආසාවෙන් බලාපොරොත්තුවෙන දවසක් තමා පෝස්ට් 100 සම්පූර්ණ වෙන දවස. ඕං මටත් එහෙව් දවසක් උදා වෙලා.. අතීතාවර්ජනයකට හොඳම වෙලාව කියලා හිතෙන නිසා මේ සටහන තබන්න හිතුවා..

2010 අවුරුද්දේ මම ඕපන් ආර්ක් ආයතනයේ ඉගෙනගනිමින් හිටියා.. පලවෙනි සෙමෙස්ටරයේ තවත් දවසක internet and world wide web subject එක උගන්නමින් සිටි සධානා රණසිංහ මහත්මිය බ්ලොග් පිළිබඳව සාකච්ඡා කලා.. බ්ලොග් පිළිබඳ කලින් අසා තිබුණත් හරියාකාර දැනුමක් ලැබුවේ එතැනින්.. පසුව blogger හී Feel Everything on Earth නමින් බ්ලොග් අඩවියක් ආරම්භ වෙනවා.. දැනට එය ක්‍රියාත්මක වෙන්නේ නෑ.. නමුත් බ්ලොගර් වල නිසි ප්‍රයෝජනය ලැබීමට තරම් දැනුමක් මට ඒ දිනවල නොතිබුණු නිසාවෙන් එහි ලිවීම දැඩි සේ වෙහෙස කරන්නක් උනා. UCSC Converter එකත් එක්ක ඔට්ටුවෙමින් කොපි පේස්ට් කරමින් ටයිප් කළ ඒ අතීතය ඇත්තෙන්ම තරමක් අසීරුයි. පසුව මම ගූගල් සයිට් වලට මාරු උනා.. නමුත් එයද හිතු තරම් සාර්ථක උනේ නෑ..
දෙවැනි සෙමෙස්ටරයේ අපට නැවත හමුවන්නේ අති ප්‍රසිද්ධ බ්ලොග් කරුවෙක්, දක්ෂ ගුරුවරයෙක් වූ කුමුදු ලාල් පින්තු ගුරු පියාණන්ය.. එතුමා සිසුන්ගෙන් ඉල්ලීම් කීපයක් කළේය.. එයින් එකක් වූයේ තමාගේම බ්ලොග් අඩවියක් අරඹා එහි සිංහලෙන් ලිපි ලියන එකය.. අනෙක නම් wikipedia වලට සිංහලෙන් ලියන ලෙසය.

එතුමා ජීවත්ව සිටි අවසන් මාස තුන හතරේ සිදුකළ එතුමාගේ එම ඉල්ලීම් මා දකින්නේ එතුමාගේ මෙහෙවර අනාගත පරපුරට බාරදීමක් ලෙසය..
තවද එම බලාපොරොත්තු ඒ කාලයේම ඉටුකිරීමට හැකිවීම පිළිබඳව. අප පන්තියෙන් බිහිවූ බ්ලොග් කරුවන් සියලුදෙනාම ආඩම්බර විය යුතුය.

කෙසේ හෝ වර්ඩ්ප්‍රෙස් කරා යොමුවීමට මාහට මඟ පෙන්වන්නේද කුමුදු පින්තු ගුරුපියාණන්ය..
ඒ අනුව 2010-මැයි-18 දින පැරණි බ්ලොගයේ තිබූ සියළු ලිපිද පිටපත්කරගනිමින් (එක් ලිපියක් හැර) මෙම බ්ලොග් අඩවිය ඇරඹීම සිදුවිය…

බ්ලොග් අඩවියක් තිබුණත් එය මිතුරන් අතරේ පමණක්ම විය… බ්ලොග් අඩවියක් ප්‍රසිද්ද කරන ආකාරය ගැන දළ වැටහීමක් එවකට නොතිබූ නිසා යන එන අයද බෙහෙවින් සීමා විය.. පෝස්ටු 50 ඉක්මවද්දී පවා ආ ගිය අය 5000කටත් අඩු විය..

ගීතක දිල්රුක්,සිංහල බ්ලොග් කරුවන්ගේ සංසදයේ හා ලාංකීය සිතුවිලි සිංඩි පිළිබඳ කියාදුන් සහෘද බ්ලොග් කරුවාය.(එවකට බ්ලොග් නොලියූ ජනප්‍රියම බ්ලොග් කියවන්නා).

මේ හරහා මගේ අදහස් වැඩි පිරිසක් අතරට ගෙනයාමට හැකිවූ අතර නව මිතුරන් පිරිසක් හඳුනාගැනීමටද හැකි විය..

මගේ බ්ලොගයේ වැඩිම වීව්ස් ගණනක් (10782) ක් වාර්තාවන පොස්ටුව පිළිබඳ මාහට කිසිදා සතුටු විය නොහැක.. ඒ මා බ්ලොග් කළාවට යොමු කරවූ කුමුදු පින්තු ගුරුතුමාගේ අභාවය දැනුම්දීමට ලියන ලද පෝස්ටුව බැවිනි.

මගේ ජීවිතයේ සිදුවූ හැම වෙනස්කමක් ම මාගේ බ්ලොගය කියවන ඔබ හා බෙදාගත්තෙමි..
ඉදිරියට මීට වඩා හරව්ත් ලෙස බ්ලොග් කළාවේ නියැලීමටත් රසවත් ජීවන අත්දැකීම් ඔබ හා බෙදාගැනීමටත් මම බලාපොරොත්තු වෙනවා..

එහෙනම් එන්න.. මේ පැත්තේ